8 мали нешта кои ќе ве направат среќни

Будете се рано

На оние што рано ранат не им треба дополнително време за будење. Тие доаѓаат рано на работа, полни со енергија, и до пладне веќе го завршуваат најтешкиот дел од работата. Истражувањата покажаа дека кај мнозинството луѓе креативноста и способноста за фокусирање се најголеми наутро помеѓу 8 и 10 часот. Затоа, наместо цела ноќ да ја минете работејќи или грижејќи се за следниот ден, легнете во кревет порано, наспијте се и денот почнете го еден час порано. Завршувајте ги работите рано, а веќе по првата завршена работа ќе ве зафати дополнителен полет. Навечер ќе бидете задоволни и ќе имате поттик да продолжите така.

Разбудете ја љубопитноста

Ако човек не прашува и не ги слуша одговорите, не истражува и не се информира, тешко дека ќе пронајде мотивација да ги оствари своите приватни и деловни цели. Кусокот љубопитство е ментален убиец зашто ако не истражувате и не се информирате, тешко дека ќе добиете нови идеи и цели.

Покажете почит

Почитта е двонасочна улица. Ако ги почитувате другите и тие ќе ве почитуваат вас. Но, постои нешто што му претстои на меѓусебното уважување, а тоа е почитта кон себеси. Најдобро ќе ја покажете ако внимавате на себе, здравствено, психички, емотивно но и физички. Вашиот убав изглед и убавото однесување и на другите ќе им стават до знаење дека се вредни за почит.

Научете да простувате

Лутината, огорченоста и слични чувства ве уморуваат и поради нив ќе се чувствувате лошо, особено ако молчите и не разговарате со личноста на која и се насочени. Ослободете се од лоши чувства и насочете се кон нештата кои ве усреќуваат. Кога ќе научите да простувате или да не ги доживувате нештата кои ве унесреќуваат, секој ден ќе ви биде поубав и ноќе ќе спиете мирно. И неоптоварени.

Чувајте си го интегритетот

Не е целта сите да ве сакаат, туку да ве сакаат и почитуваат оние, чие мислење ви е важно. Не бидете неодлучни, размислете за нештата кои ви се важни, заземете став и држете се до него. Ќе бидете посреќни, појасно ќе се гледате себеси и луѓето околу вас. Држете до зборот и не газете се себеси. Луѓето со мисија и јасна визија за себе и за својот живот се посреќни и посигурни во себе.

Преземете контрола над своето здравје

Здравјето е богатство. Грижете се за себе. Во животот ќе добиете втора шанса за многу нешта, но не и за здравјето. Внимавајте што јадете, колку спиете и грижете се за своето тело. Имаме само едно тело – незаменливо и во него треба да минеме долга низа години.

Бидете самоуверени, а не арогантни

Луѓето често ја мешаат самоувереноста и ароганцијата. Арогантните ретко ги слушаат другите и се обидуваат да го постигнат тоа што го сакаат на сила. Без оглед на другите и на се што ги опкружува. Самоуверените се свесни дека не се совршени, ама имаат доволно самодоверба и здрав ум елегантно да ги решаваат секојдневните проблеми. За разлика од арогантните, самоуверените сфаќаат дека не се совршени, нема секогаш да победат, но и дека животот продолжува.

Смејте се

Смеата е бесплатна, не бара напор, а наградата е голема. Смејте се често. Ако мислите дека немате на што да се смеете и дека се околу вас е лошо, потрудете се да пронајдете некоја ситница што ќе ви пружи радост. Среќата, како и смеата, зависи од начинот на кој го гледаме светот околу себе, а тоа бара тренинг. Кога ќе откриете нешто што предизвикува смеа, споделете го со другите. Луѓето ќе ви одговараат со насмевка, а со насмевка и најтешките состојби полесно се пребродуваат. Бидете добри со луѓето околу вас и, низ насмевка или убав збор, доброто ќе ви се врати.